მმართველი გუნდის მიერ მხარდაჭერილმა კანდიდატმა, სალომე ზურაბიშვილმა განაცხადა, რომ გაპრეზიდენტების შემთხვევაში საგარეო პოლიტიკის მიმართულებით პროაქტიური იქნება. ის ფიქრობს, რომ საერთაშორისო მიმართულებით საქართველოს ბევრი რამ აქვს გასაკეთებელი, როგორც ფორმალურ ისე არაფორმალურ დონეზე.

"ამ ქვეყანას სჭირდება ყველგან გასვლა, ყველასთან ლაპარაკი, ყველასთან მოლაპარაკებების სიღრმეში შესვლა. შეიძლება ბევრად მეტი მოვითხოვოთ ამერიკისგან, ევროკავშირისგან, ნატოსგან, ჩვენი ახლო მეზობლებისგან ასევე. ჩვენ შეგვიძლია ვითამაშოთ უფრო აქტიური როლი კავკასიონში, რასაც არ ვთამაშობთ. რეგიონში ვთამაშობთ დემოკრატიის კუნძულის როლს და ეს როლი უნდა გავაძლიეროთ", — განაცხადა ზურაბიშვილმა.

პრეზიდენტობის კანდიდატის თქმით, ჩვენ უნდა უფრო გავიტანოთ საქართველო ევროპაში, გარდა იმისა, რომ უნდა შემოვიყვანოთ ევროპა.

"გავწევრიანდებით, როცა დრო მოვა და ამაზე ყოველდღიურად უნდა ვიმუშავოთ. უნდა გავიტანოთ საქართველოს კულტურა და საქმე ევროპაში. არ გვიცნობენ ისე, როგორც საჭიროა. ჩვენ გვაქვს შენარჩუნებული ბევრი ისეთი ფასეულობა, რომელიც ევროპას ძალიან სჭირდება", — ფიქროს ზურაბიშვილი.