წყალდიდობის შედეგად, აღმოსავლეთ და ცენტრალურ ინდოეთში 300 ადამიანი გარდაიცვალა. დაზარალებულია 6 მილიონზე მეტი ადამიანი. წყალმა სოფლები მთლიანად დაფარა. გადაუღებელმა წვიმამ მდინარეების ადიდება გამოიწვია, მათ შორისაა მდინარე განგიც.

როგორც ინდოეთის ოფიციალური პირები აცხადებენ, მოსახლეობა შედარებით მაღალ ადგილებშია გადაყვანილი. სახლების დიდი ნაწილი დაშლილია.

ინდოეთის ცენტრალურ ნაწილში წყალდიდობა ივნისშიც იყო, რომელსაც 70 ადამიანი ემსხვერპლა და 40 ათასი სახლი განადგურდა.

მთავრობა აცხადებს, რომ მოსახლეობა საკუთარ სახლებს სტიქიის დასრულების შემდეგ დაუბრუნდება. მეტეოროლოგების განცხადებით კი წვიმა კიდევ ორი დღის განმავლობაში გაგრძელდება.