საპარლამენტო უმრავლესობის წევრი, მამუკა მდინარაძე ამბობს, რომ ვალების ჩამოწერის შემდეგ, მოქალაქეები სუფთა ფურცლიდან დაიწყებენ თავაიანთ ეკონომიკურ საქმიანობას.

On.ge-ს ჟურნალისტის კითხვაზე, ამოიშლებიან თუ არა ისინი კრედიტინფოს ბაზიდან, მამუკა მდინარაძე პასუხობს რომ მათ ცუდი საკრედიტო ისტორია აღარ ექნებათ.

არჩევნების მეორე ტურამდე რამდენიმე დღით ადრე მთავრობა "შავ სიაში" მყოფ 600 ათასი ადამიანს ჯამში 1,5 მილიარდის ოდენობის დავალიანებას უნულებს. საჭირო ფინანსური ტვირთი კი სრულად ქართუ ჯგუფმა იკისრა.

პირობები, რომელსაც ვალის ჩამოსაწერად პირი უნდა აკმაყოფილებდეს:

  • თითოეულ ფინანსურ კომპანიაში ვალის ძირი თანხის მოცულობა არ უნდა აღემატებოდეს 2 000 ლარს, თუმცა შესაძლოა, ჯამში 2 000 ლარზე გაცილებით მეტი იყოს;
  • მინიმუმ ბოლო ერთი წლის განმავლობაში არ გადაუხდია სესხის ნაწილი;
  • ფინანსთა მინისტრის, ივანე მაჭავარიანის თქმით, მიკროსაფინანსო კომპანი ვივუსის კლიენტებს დავალიანება არ გაუნულდებათ. მინისტრის განმარტებით, კომპანია მოლაპარაკებების პირობებს არ დათანხმდა.

ინიციატივაში ამომრჩევლის მოსყიდვის ნიშნებს ხედავს საქართველოს ახალგაზრდა იურისტთა ასოციაციის აღმასრულებელი დირექტორი, ირმა პავლიაშვილი.

აუდიტის სამსახური ამომრჩევლის მოსყიდვაზე მთავრობის ინიციატივის შესწავლას არ აპირებს. აუდიტის პრესსამსახურში On.ge-ს უთხრეს, რომ საუბარია დიდ თანხაზე, რაც მათ მანდატსა და კომპეტენციას სცილდება.