ხელისუფლებისგან მხარდაჭერილი პრეზიდენტობის კანდიდატი, სალომე ზურაბიშვილი ამბობს, რომ პიანისტ ხატია ბუნიათიშვილის გამოსახულებით ფილმ 48 საათის პოსტერი ფეისბუქზე ხუმრობით გააზიარა. მისი თქმით, მისთვის ცნობილია ბუნიათიშვილი ვის უჭერს მხარს.

"ხატია ბუნიათიშვილის სურათზე იყო ის, რაც თქვენგან ძალიან შორს არის, ხუმრობა იმიტომ, რომ თვითონ გამოაკრა 48. ძალიან კარგად ვიცი ვისი მომხრე არის და ვისი არ არის, ამავე დროს, გერმანულადაც ვკითხულობ, რაც თქვენ არა. მადლობა ვუთხარი, როგორც ხუმრობა. მე თვითონ, ხუმრობის უფლება აღარა მაქვს, რადგან პრეზიდენტობის კანდიდატი ვარ?" — აღნიშნა მან ჟურნალისტებთან საუბრისა.

გუშინ, 16 ნოემბერს სალომე ზურაბიშვილის ფეისბუქის ოფიციალურ გვერდზე პიანისტის მიმართ მადლობის პოსტი გაჩნდა. პოსტი ქმნიდა შთაბეჭდილებას, რომ ბუნიათიშვილი ზურაბიშვილს უჭერდა მხარს.