გერმანულ-ამერიკული ორგანიზაცია GfK-ს მიხედვით, საქართველოს მასშტაბით ჩატარებულ კვლევის შედეგებით პარტიულ რეიტინგებში ქართული ოცნება ლიდერობს.

კვლევის შედეგები ასე გამოიყურება:

  • ქართული ოცნება 35,9%
  • ერთიანი ნაციონალური მოძრაობა 34,2%
  • სახელმწიფო ხალხისთვის - პაატა ბურჭულაძე 9,8%
  • ლეიბორისტული პარტია 5,4%
  • თავისუფალი დემოკრატები - ირაკლი ალასანია 4,5%
  • პატრიოტთა ალიანსი - ირმა ინაშვილი 2,4%
  • ნინო ბურჯანაძე - დემოკრატიული მოძრაობა 2,2%
  • რესპუბლიკური პარტია 0,7%
  • პოლიტიკური ცენტრი გირჩი 0,5%
  • ახალი საქართველო - გიორგი ვაშაძე 0,5%

კომპანიას კვლევა რუსთავი 2-მა დაუკვეთა, მისი ინფორმაციით, საქართველოს 2 200 მოქალაქე პირდაპირი ინტერვიუს წესით გამოიკითხნენ. კვლევის ცდომილების ზღვარი შეადგენს პლუს ან მინუს 2,1 პროცენტს.

გირჩი, ვაშაძე და ბურჭულაძე საველე სამუშაოების დაწყებისას ცალცალკე სუბიექტები იყვნენ, ხოლო რესპუბლიკელები ჯერ კიდევ მთავრობაში.

კვლევა 2-18 აგვისტოს ჩატარდა.

GfK-მ კვლევა ივნისშიც ჩაატარა. 28 ივნისს გამოქვეყნებული შედეგების მიხედვით, გამოკითხულთა 30,5% ოცნებას, ხოლო 28,2% ნაციონალურ მოძრაობას ანიჭებდა უპირატესობას.