შინაგან საქმეთა სამინისტროს ინფორმაციით, 2018 წელს ქალთა მკვლელობების მაჩვენებელი 58%-ით შემცირდა, ხოლო ქმრის მიერ ცოლის მკვლელობის არც ერთი ფაქტი არ დაფიქსირებულა. 2018 წლის 10 თვეში 11 ქალი მოკლეს, მათგან 5 ოჯახის წევრმა, ხოლო 6 — სხვა პირმა.

2018 წელს სხვა პირის მიერ ჩადენილი 6 მკვლელობიდან — 1 ფაქტი ჩადენილია პარტნიორის მიერ. ოჯახის წევრის მიმართ ჩადენილი 5 მკვლელობიდან კი:

  • 1 შემთხვევაში შვილმა მოკლა დედა;
  • 1 შემთხვევაში დამ — და;
  • 1 შემთხვევაში ძმამ — და;
  • 1 შემთხვევაში მამინაცვალმა — გერი;
  • 1 შემთხვევაში მოხდა იმ პირის მკვლელობა, რომელთანაც დანაშაულის ჩამდენი
    პირი ერთიან საოჯახო მეურნეობას ეწეოდა.

უწყება წინა წლების სტატისტიკასაც აქვეყნებს:

  • 2016 წელს 32 ქალი მოკლეს, მათგან 14 ოჯახის წევრმა, ხოლო 18 — სხვა პირმა;
  • 2017 წელს 26 ქალი მოკლეს, მათგან 14 ოჯახის წევრმა, ხოლო 12 — სხვა პირმა.

უწყების განცხადებით, 2018 წელს მნიშვნელოვნად გაიზარდა ქალთა მიმართ ძალადობის შემთხვევებზე მომართვიანობა, ძალადობისა და ოჯახური დანაშაულის 4000-ზე მეტ შემთხვევაზე დაიწყო გამოძიება, ხოლო 3000-ზე მეტი პირის მიმართ — სისხლისსამართლებრივი დევნა.