ქუთაისის მერიამ, დაუმთავრებელი სამუშაოების მიუხედავად, 3 ნოემბერს თეთრი ხიდი მაინც გახსნა. ამაზე On.ge-სთან თავად ინფრასტურქტურის სამსახურის უფროსის მოადგილემ, მირზა ხიდაშელმა ისაუბრა.

საპროექტო ფოტო და ახალგახსნილი თეთრი ხიდი ერთმანეთისგან განსხვავდება. მაკეტზე არსებული ქვები რეალობაში ჯერ არ ასახულა.

ფოტო: შესყიდვების სააგენტო

ფოტო: გვანცა ნემსაძე / On.ge

მაკეტსა და დაგებულ ფილებს შორის სვაობის მიუხედვად, ხიდაშელი ამბობს, რომ ხიდის რეაბილიტაცია გაფორმებული ხელშეკრულების პირობების მიხედვით მიმდინარეობს. თუმცა კითხვაზე, რატომ არ ჰგავს განახლებული ხიდი საპროექტო დოკუმენტში არსებულ ფოტოებს, ქუთაისის მერიის ინფრასტრუქტურის სამსახურის უფროსი ასე პასუხობს:

"ფოტოს მიხედვით ობიექტს არ ვიბარებ და რა ვქნა ეხლა? არც ერთი კანონი არ ითვალისწინებს, რომ რენდერის მიხედვით ჩაიბარო ობიექტი".

ხიდის რეაბილიტაცია მიმდინარე წლის 22 აგვისტოს უნდა დასრულებულიყო. მერიაში ამბობენ, რომ კომპანია სამუშაოების დაგვიანებით შესრულებისთვის ყოველდღიურად 230 ლარით ჯარიმდება. მართალია, მერია კომპანიას ჯამში 20 000 ლარით აჯარიმებს, თუმცა ხელშეკრულების თანხა გაზარდა და მომსახურებისთვის 28 184 ლარით მეტს (464 182 ლარს) გადაურიცხავს.

თუმცა, კომპანიასა და ქუთაისის მერიას შორის არსებობს შეთანხმება, რომლის მიხედვითაც ხელშეკრულება 28 184 ლარით გაიზარდა და 464 182 ლარს გაუტოლდა.

ქუთაისის ხიდი 10 დღის გახსნილია, თუმცა ორჯერ უკვე მოექცა მედიის ყურადღების ცენტრში. პირველად, როცა მოქალაქეებმა აღმოაჩინეს, რომ ტერენტი გრანელის ლექსის ავტორად კოლაუ ნადირაძე ეწერა და მეორედ, როცა ეს შეცდომა გადაფხეკით გამოასწორეს. გარდა ამისა, რადიო თავისუფლების ინფორმაციით, გახსნიდან მალევე დაზიანდა მინისა და ლითონის კონსტრუქციების გადაბმის ადგილები.