ე.წ. ტერაქტის ორგანიზების ბრალდებით დაკავებულ 7 პირს აღკვეთის ღონისძიებად პატიმრობა შეუფარდეს. ამის შესახებ გადაწყვეტილება თბილისის საქალაქო სასამართლოში მიიღეს. აღნიშნული საქმის წინასასამართლო სხდომა კი 10 აქტომბერს ჩაინიშნა.

აღნიშნულ პირებს ბრალად ტერაქტის ჯგუფურად მომზადება, ტერორიზმისთვის საჭირო იარაღისა და ასაფეთქებლების შეძენა-შენახვასა და ხელშეწყობაში ადანაშაულებენ.

სასამართლო სხდომაზე, პროტესტის ნიშნად ერთ-ერთმა ბრალდებულმა, სასამართლოს დადგენილების შემდეგ, უვადო შიმშილობა დაიწყო. გარდა ამისა, ერთ-ერთი დაკავებული, რომლის ტრავმებზეც სუსმა განაცხადა, რომ მან ისინი გაქცევის მცდელობისას მიიღო, ელიზაბეტ ბლექველის საავადმყოფოში იმყოფება, სადაც მას ნეიროქირურგიული ოპერაცია ჩაუტარდა.

22 აგვისტოს სახელმწიფო უსაფრთხოების სამსახურმა განაცხადა, რომ კონტრდაზვერვის დეპარტამენტმა ტერორისტული აქტი აღკვეთა, რომლის შედეგადაც სოფელ საგურამოს მიმდებარე ტერიტორიაზე, მდინარე არაგვზე გამავალი რუსეთ-სომხეთის დამაკავშირებელი გაზსადენი მილის ღია მონაკვეთის აფეთქება იგეგმებოდა. ტერაქტის მომზადების ბრალდებით დღეს შვიდი პირი დააკავეს.