ფოტო და ვიდეო, რომელშიც 5 წლის ომრან დაქნეში საავადმყოფოს მანქანაში ჭუჭყიანი, დაშავებული და დაბნეული ზის, ინტერნეტში უსწრაფესად გავრცელდა და გახდა სიმბოლო იმისა, თუ როგორ აისახება ომი ბავშვებზე.

ვიდეოსა და ფოტოში ჩანს, რომ პატარა ბიჭი დაბომბილი შენობიდან გამოჰყავთ. ის საავადმყოფოს მანქანაში შოკირებული ზის და ვერც ხვდება, რომ მისი სახის ნაწილი სისხლითაა დაფარული.

ფოტო: Aleppo Media Center

ომარ დაქნეშის გადარჩენის კადრების ჩვენების დროს, CNN-ის წამყვანს კეიტ ბოლდუანს ცრემლების შეკავება გაუჭირდა:

"რაც ყველაზე მეტად მხვდება გულზე, არის ის, რომ ჩვენ ვტირით, მის თვალებში კი ცრემლები არაა, მას ერთხელაც არ უტირია. ეს პატარა ბიჭი სრულიად შოკშია და გაოცებული ზის. ის ერთ წუთს თავის სახლში იყო, მეორე წუთს კი მის გარშემო ომის გრიგალი და ქაოსი გაჩნდა.

მის მეზობლად 3 ადამიანი დაიღუპა. ეს ომრანია და ის ცოცხალია. გვინდოდა გცოდნოდათ".

გუშინ ოფიციალურმა რუსეთმა განაცხადა, რომ პასუხისმგებლობას არ იღებს 5 წლის ომრან დაქნეშის დაჭრაზე, რადგან ის ალეპოს "დასახლებულ პუნქტებს არასდროს ბომბავს".