ცენტრალური საარჩევნო კომისიის პრესსპიკერმა, ანა მიქელაძემ 13 საათისთვის გამართულ ბრიფინგზე დარღვევებზე ისაუბრა და თქვა, რომ ნაძალადევის #74-ე საარჩევნო უბანზე დამკვირვებლის სამკერდე ნიშნით, ბეიჯით, რომელიც არ იყო ცესკოს გაცემული, არაუფლებამოსილი პირი იყო.

დარღვევის შესახებ რეაგირებისთვის ცესკოს ახალგაზრდა იურისტთა ასოციაციამ მიმართა. ცესკოს ცნობით, დარღვევის დადასტურების შემდეგ საუბნო საარჩევნო კომისიამ არაუფლებამოსილ პირს საარჩევნო უბანი დაატოვებინა.