რუსეთის პრეზიდენტმა, ვლადიმერ პუტინმა ხელი მოაწერა განკარგულებას, რომლის მიხედვითაც უკრაინის წინააღმდეგ ეკონომიკური სანქციები გატარდება.

BBC-ის რუსული ბიუროს ინფორმაციით, სანქციების დოკუმენტში საუბარია, რომ მსგავსი ზომები მათ მიიღეს, რადგან უკრაინამ რუსეთის მოქალაქეებისა და კომპანიების მიმართ "არამეგობრული და საერთაშორისო სამართალთან საწინააღმდეგო ნორმები გაატარა".

კონკრეტულად რა სანქციები გატარდება უკრაინის მიმართ უცნობია, მათ მთავრობაში განსაზღვრავენ. გარდა ამისა, მინისტრთა კაბინეტმა უნდა შეიმუშავოს იმ პირებისა და კომპანიების სია, რომელთა მიმართაც გატარდება სანქციები.

განკარგულება ძალაში 22 ოქტომბერს შევიდა და, როგორც აღნიშნულია დოკუმენტში, ის გაუქმდება თუ უკრაინა რუსეთის მიმართ შეზღუდვებს უკან გაიწვევს.

2014 წელს ყირიმის ანექსიისა და დონბასში საომარი მოქმედებების გამო შემდეგ უკრაინამ სანქციები გაატარა რუსეთის 1 228 მოქალაქისა და 468 კომპანიის მიმართ. ისინი შეეხება რუს პარლამენტარებს, პრეზიდენტის ადმინისტრაციის თანამშრომლებს, მაღალი თანამდებობის ჩინოვნიკებს, კულტურის მოღვაწეებსა და მედიის წარმომადგენლებს. მათ ეკრძალებათ უკრაინაში შესვლა.