რამდენიმე საათის წინ Facebook-ზე პრეზიდენტობის კანდიდატმა, სალომე ზურაბიშვილმა ახალი საარჩევნო კლიპი გამოაქვეყნა. კლიპში ქართული ოცნებისა და მთავრობის ლიდერები მონაწილეობენ, გაზიარებისას კი მთავარი ფოტო ბიძინა ივანიშვილისაა.

ვიდეორგოლში ქართული ოცნების ლიდერები მის დადებით მხარეებზე საუბრობენ და მასთან კონტექსტში ახსენებენ ფრაზებს: "ღირსების საკითხი", "ევროპული ტიპის საარჩევნო კომპანია", "ევროპული პრეზიდენტი", "ზეპარტიულ პრეზიდენტი" და "საოცნებო სამშობლოს დაბრუნების იმედი".

ბიძინა ივანიშვილი, მამუკა ბახტაძე, ირაკლი კობახიძე და ზვიად ძიძიგური სალომე ზურაბიშვილის ღირსებებზე ამახვილებენ ყურადღებას, კახა კალაძე კი მხოლოდ მის არჩევასა და გამარჯვებაზე საუბრობს.

"ქართული ოცნების დიდი უპირატესობით გამარჯვება ქართული ოცნების ღირსების საქმეა. მე დარწმუნებულები ვარ, რომ ჩვენ თქვენთან ერთიანი ძალისხმევით ამას აუცილებლად მივაღწევთ", — ამბობს კალაძე ვიდეოკლიპში.