12 ეკლესიის მრევლი 20 ოქტომბერს ერთმანეთთან საფეხბურთო მატჩს გამართავს. ამის შესახებ On.ge-ს ახალგაზრდულ მოძრაობა დავითიანნში განუცხადეს. მოძრაობის ინფორმაციით, მსგავსი ღონისძიება პირვლად ტარდება. საფებურთო მატჩები ორ ლოკაციაზე, მუშტაიდის ბაღში და ვაკეში, 7 საათზე დაიწყება.

როგორც დავითიანში ამბობენ, საფეხბურთო მატჩების მიზანი ჯანსაღი ცხოვრების პროპაგანდა და ახალგაზრდების ჩართულობაა. დავითიანში, ასევე, ამბობენ, რომ მატჩები ყოველწლიურად გაიმართება და მასშტაბებიც გაიზრდება.

ეკლესიების სია, რომელთა მრევლიც საფეხბურთო მატჩებში ჩაერთვებიან:

  • სამების მონასტერი;
  • ვაკის წმინდა ანდრია პირველწოდებულის ტაძარი;
  • ვაკის სამების ტაძარი;
  • ქაშუეთის ტაძარი;
  • სიონი;
  • ოქროყანის ღვთისმშობლის სახელობის ტაძარი;
  • წმინდა სპირიდონ ტრიმიფუნტიელის ტაძარი;
  • წმინდა ვახტანგ გორგასლის ტაძარი;
  • წმინდა ნიკოლოზის ტაძარი;
  • დიდი დიღმის 100 000 მოწამის სახელობის ტაძარი;
  • ჯვრის მამის ტაძარი;
  • წმინდა კვირიკეს და ივლიტას ტაძარი.