ნიკოლ კიდმანი 2001 წლის შემდეგ პირველად ალაპარაკდა ტომ კრუზთან ურთიერთობაზე.

New York Magazine-სთან ინტერვიუში, ოსკაროსანმა მსახიობმა აღნიშნა, რომ კრუზთან ქორწინებამ სექსუალური შევიწროებისგან გადაარჩინა.

"ჩემი ქორწინება ტომ კრუზზე, 22 წლის ასაკში, იმდენად გამაწბილებელი აღმოჩნდა, რომ ამაზე არასდროს მინდება საუბარი. მით უმეტეს, ახლა, როდესაც დაქორწინებული ვარ ყველაზე დიდი სიყვარულით [გულისხმობს კიტ ურბანს]. ტომ კრუზს სიყვარულით გავყევი ცოლად, მაშინ ახალგაზრდა ვიყავი და ფაქტია, რომ ძალაუფლების მქონე ადამიანზე დაქორწინებამ სექსუალური შევიწროებისგან დამიცვა", - ყვება კიდმანი.

გარდა ამისა, დიდი პატარა ტყუილების მსახიობი იხსენებს, რომ კრუზთან დაშორების შემდეგ რეალობასთან შეგუება ძალიან გაუჭირდა.

"ბევრ პროექტზე ვმუშაობდი, თუმცა, გამომდინარე იქიდან, ვისთან მქონდა ურთიერთობა, ყველა თავს მევლებოდა. როდესაც ეს ყველაფერი დასრულდა, ძალიან გამიჭირდა გამეცნობიერებინა, რომ მარტოს უნდა მეზრუნა ჩემს თავზე. ამ დროს მივხვდი, რომ გავიზარდე", - ამბობს კიდმანი.

მსახიობმა ინტერვიუს დროს ხაზი გაუსვა #MeToo კამპანის აუცილებლობასაც და აღნიშნა, რომ ისევე, როგორც ქალების უმრავლესობა, ისიც ყოფილა შევიწროების მსხვერპლი.