საქართველოს ყოფილი პრემიერის, ვანო მერაბიშვილის თქმით, მას მოწამვლის შიშით თავის პრინციპებს ვერ შეაცვლევინებენ. ამის შესახებ მან ტელეკომპანია რუსთავი 2-ისთვის მიცემულ ინტერვიუში ისაუბრა.

"მთავარია ის არის, რომ ვიცოდე რომ მე ხვალ მომწამლავენ, მაინც ვერ გამტეხავდა და მაინც არ შემაცვლევინებდა ჩემს პრინციპებს. მსგავსი რაღაცებისთვის მზად ვარ. როცა ადამიანი ირჩევ აქტიურ პოლიტიკას და გარგუნა ბედმა, რომ იყო ლიდერებს შორის, მზად უნდა იყო ყველაფრისთვის", — დასძინა მან.

ყოფილი პრემიერის თქმით, მისი მეგობრები დარწმუნებულები არიან, რომ ის მოწამლულია, რადგან მისი დაავადების ერთ-ერთი სიმპტომი ინტოქსიკაციაა. მას კი მიზეზად უსახელებენ ინფექციას, რომელიც დადგენილი არ არის.

"თუ ვიღაც ჩემს მოწამვლას აპირებდა, დარწმუნებული ვარ, რომ მარტივი დარიშხანით და მსგავსი საწამლავით არ მომწამლავენ იმიტომ, რომ მისი სიმპტომები ადვილად დასადგენია. ალბათ, საზოგადოებისთვის ცნობილია რამდენი საუბარი მიდის ნერვულ პარალიზებაზე, საწამლავზე და ა.შ. საერთოდ მსგავსი მოწამვლა თუ იქნებოდა, ამის დადგენა ძალიან რთული იქნებოდა", — განუცხადა მერაბიშვილმა რუსთავი 2-ს.

ყოფილი პრემიერის მოწამვლის შესახებ ოჯახის წევრებმა და მისმა ადვოკატმა არაერთხელ ისაუბრა. ის რამდენჯერმე იყო გადაყვანილი საავადმყოფოშიც, თუმცა ოფიციალურად მოწამვლის შესახებ ინფორმაცია არ დადასტურდა.

ამავე თემაზე: