რუსეთმა ოკუპირებულ აფხაზეთში სამხედრო სწავლებები დაიწყო. წრთვნები როგორც მთებში, ისე სანაპიროზე, ცაბალისა და ნაგვალოუს პოლიგონებზე ტარდება. ამის შესახებ ინფორმაციას სააგენტო Tass ავრცელებს.

გამოცემის ინფორმაციით, სწავლებაში 700-მდე რუსი სამხედრო მოსამსახურე და 60-ერთეული სამხედრო ტექნიკაა ჩართული. სამხედროები ჰაერიდან მოწინააღმდეგისა და დივერსიული სადაზვერვო ჯგუფის თავდასხმის მოგერიებას ისწავლიან.

ჯარისკაცებს ტაქტიკურ სწავლებებს სამხედრო სროლაში ჩაუტარებენ, მათ შორის ჯავშანტექნიკიდანაც.