Guardians of the Galaxy-ის რეჟისორი, ჯეიმს განი მარველიდან გაგდების შემდეგ არც მეტი, არც ნაკლები პირდაპირ კონკურენტების ოფისში აღმოჩნდა და DC-სთან კონტრაქტის გაფორმებას აპირებს, თანაც წინასწარი ცნობებით ის Suicide Squad-ის მეორე ნაწილის გადაღებას გეგმავს.

შეგახსენებთ, რომ განი Guardians of the Galaxy-ის რეჟისორობიდან მას შემდეგ მოხსნეს, რაც 2008-2010 წლებში ტვიტერზე გამოქვეყნებული პოსტები გამოუქვეყნეს. ტვიტებში ის პედოფილიისა და გაუპატიურების თემებს ეხებოდა.

დისნეის ეს გადაწყვეტილება გააპროტესტეს როგორც ფანებმა, ასევე ფილმის მსახიობებმა და განის დაბრუნება მოითხოვეს. მიუხედავად ამისა, კინოკომპანიამ პოზიცია არ შეცვალა.

ამ თემას გამოეხმაურა ჯეიმს განიც და თქვა, რომ ის წლების განამვლობაში იყენებდა მსგავს სარკასტულ იუმორს და ამ გზით ხშირად პროვოცირებდა ადამიანებზე, თუმცა ბოლო წლებში მისი მიდგომა ამ თემის მიმართ შეიცვალა.