3 წლიანი პაუზის შემდეგ, წყნეთი-კიკეთის მიმართულებით ავტობუსი დაინიშნება. თბილისის მერიის ინფორმაციით, N81 მარშრუტი 11 ოქტომბრიდან ამოქმედდება.

მერიის განცხადებით, მარშრუტზე საშუალო ტევადობის ავტობუსი წყნეთიდან — მაია წყნეთელის ძეგლიდან, კიკეთში — 9 ძმა ხერხეულიძის ქუჩამდე იმოძრავებს.

2015 წლამდე წყნეთიდან კიკეთისკენ მგზავრებს N5 ავტობუსი ემსახურებოდა. მარშრუტი 2015 წლის ზაფხულში ღვარცოფის შედეგად წყნეთი-ბეთანიის გზის დაზიანების გამო გაუქმდა.