რა შეიძლება ადამიანმა საკუთარ თავს ყველაზე ცუდი გაუკეთოს? კი, ძალიან ბევრი რამ, თუმცა მათ შორის ერთ-ერთი მთავარი ცუდად ყოფნის დროს სიმპტომების დაგუგლვაა.

ასეთი მომენტი ცხოვრებაში ერთხელ ყველას გვქონია და აღმოგვიჩენია, რომ ან კიბო გვჭირს, ან მალარია, ან სულაც - ორივე ერთად.

ასეთ დროს ექიმები გვიბრაზდებიან ხოლმე და სამართლიანადაც, რადგან სამედიცინო ცოდნა არაა ისეთი რამ, რაც დაგუგვლით შეიძლება შეიძინო.

სულ მალე რუსთავი 2-ზე ჩვენი მითების დასამსხვრევად და რეალური ცოდნის შესაძენად ახალი შოუ, მთავარი ექიმი დაიწყება. შოუ წარმატებული გადაცემის, Dr. Oz-ის ქართული ვერსიაა და მისი წამყვანი გიორგი ჩიჩუა იქნება. გადაცემაზე ფორმულა კრეატივი მუშაობს.

მთავარი ექიმი თავიდან ბოლომდე პაციენტებზე იქნება ორიენტირებული. მოგცემთ რჩევებს ცხოვრების ჯანსაღი წესის შესახებ, გეტყვით, როგორ აღმოაჩინოთ დაავადებები საწყის ეტაპზევე და დაგეხმარებათ, გზა გაიკვლიოთ მედიცინის საინტერესო სამყაროში.

ასე რომ, თუ სამედიცინო შოუები და სერიალები გიყვართ, დაელოდეთ ეკრანებზე მთავარი ექიმის გამოჩენას.