შინაგან საქმეთა სამინისტროს ინფორმაციით, დუშეთში პენსიონერის დაყაჩაღების საქმეზე ერთი პირი დააკავეს. უწყებაში ამბობენ, რომ ბრალდებულმა სიცოცხლისთვის საშიში ძალადობის მუქარით 76 წლის პირს 9 000 ლარი გასტაცა.

შსს-ს თქმით, პოლიციამ დანაშაულის ჩადენის იარაღი და გატაცებული თანხა ნივთმტკიცებად ამოიღო. მათივე თქმით, ბრალდებული ჩადენილ დანაშაულს აღიარებს.

გამოძიება ყაჩაღობის საქმეზე, საქართველოს სსკ-ს 179-ე მუხლის მე-3 ნაწილის "ბ" ქვეპუნქტით მიმდინარეობს. ჩადენილი დანაშაული 8-დან 12 წლამდე ვადით თავისუფლების აღკვეთას ითვალისწინებს.