შინაგან საქმეთა სამინისტროს ინფორმაციით, დააკავეს 2 პირი, რომელმაც თბილისში, რუსთაველის გამზირზე მოქალაქეებს მოპედები წაართვეს. მათი თქმით, დაკავებულთაგან ერთი პირობითი მსჯავრის ქვეშ მყოფია, მეორე კი არასრულწლოვანი.

უწყების განცხადებით, მოპარული სატრანსპორტო საშუალება ნივთმტკიცებად ამოიღეს. გამოძიება ძარცვის საქმეზე, საქართველოს სისხლის სამართლის კოდექსის 178-ე მუხლის მე-3 ნაწილის "ე" ქვეპუნქტით მიმდინარეობს. დანაშაული ხუთიდან რვა წლამდე ვადით თავისუფლების აღკვეთას ითვალისწინებს.