ცენტრალურ საარჩევნო კომისიაში 28 ოქტომბრის არჩევნებისთვის პრეზიდენტობის კანდიდატების რეგისტრაციის პროცესი დასრულდა.

საქართველოს პრეზიდენტის არჩევნებში ამ დროისთვის 25 კანდიდატი მონაწილეობს. მათგან 19 წარდგენილია პოლიტიკური პარტიის, ხოლო 6 - საინიციატივო ჯგუფის მიერ.

დღეს, 23 სექტემბერს ცენტრალურ საარჩევნო კომისიაში გამართულ საინფორმაციო ბრიფინგზე ცესკოს პრეს-სპიკერმა ანა მიქელაძემ განაცხადა, რომ კანონმდებლობის თანახმად, კანდიდატს არჩევნებამდე არაუგვიანეს მე-12 დღისა (16 ოქტომბრის ჩათვლით) აქვს უფლება წერილობითი განცხადებით მომართოს ცესკოს და მოხსნას საკუთარი კანდიდატურა.

ცესკოს ცნობით, სულ 46 განაცხადი იყო წარდგენილი, მათ შორის 20 პოლიტიკური პარტიის, ხოლო 26 საინიციატივო ჯგუფის მიერ.

პრეზიდენტობის კანდიდატები არიან:

  1. სამართლიანობის აღდგენის კავშირი ხმა ერისა: უფალია ჩვენი სიმართლე — მიხეილ სალუაშვილი #28;
  2. პარტია საქართველო — გიორგი ლილუაშვილი #17;
  3. სამოქალაქო პლატფორმა — ახალი საქართველო ზვიად ბაღდავაძე #27;
  4. ქრისტიან დემოკრატიული მოძრაობა — ვახტანგ გაბუნია #4;
  5. ახალი ქრისტიან-დემოკრატები — ლევან ჩხეიძე #40;
  6. საქართველოს ლეიბორისტული პარტია — შალვა ნათელაშვილი #10;
  7. საინიციატივო ჯგუფი — კახაბერ ჭიჭინაძე #58;
  8. ევროპული საქართველო - მოძრაობა თავისუფლებისთვის — დავით ბაქრაძე #2;
  9. ეროვნულ-დემოკრატიული პარტია (ედპ) — ზვიად იაშვილი #30;
  10. თავისუფალი დემოკრატები — დავით უსუფაშვილი #25;
  11. თავისუფალი საქართველო — კახა კუკავა #21;
  12. საქართველოს ძალოვან ვეტერანთა და პატრიოტთა პოლიტიკური მოძრაობა — გელა ხუციშვილი #35;
  13. საინიციატივო ჯგუფი — სალომე ზურაბიშვილი #48
  14. საქართველოს ქრისტიან-კონსერვატიული პარტია — ზვიად მეხატიშვილი #13;
  15. საინიციატივო ჯგუფი — თეიმურაზ შაშიაშვილი #65;
  16. პოლიტიკური მოძრაობა თავისუფლება - ზვიად გამსახურდიას გზა — თამარი ცხორაგაული #31;
  17. ქართველ ტრადიციონალისტთა კავშირი — აკაკი ასათიანი #18;
  18. საინიციატივო ჯგუფი — ბესარიონ თედიაშვილი #49;
  19. ახალი პოლიტიკური ცენტრი გირჩი — ზურაბ ჯაფარიძე #36;
  20. საინიციატივო ჯგუფი — ვლადიმერ ნონიკაშვილი #62;
  21. მოძრაობა თავისუფალი საქართველოსთვის — ირაკლი გორგაძე #23;
  22. ერთიანი ნაციონალური მოძრაობა — გრიგოლ ვაშაძე #5;
  23. მოძრაობა სახელმწიფო ხალხისთვის მიხეილ ანთაძე #1;
  24. საინიციატივო გჯუფი — გიორგი ანდრიაძე #51;
  25. მრეწველობა გადაარჩენს საქართველოს — ოთარ მეუნარგია #22.