ფრანგულმა სასამართლომ ულტრამემარჯვენე მარინ ლე პენს ფსიქიატრიული შემოწმების გავლა მოსთხოვა. ლე პენმა სასამართლოს ბრძანების ფოტო ტვიტერზე გამოაქვეყნა და მას "შეშლილი უწოდა".

როგორც მარინ ლე პენის მიერ გამოქვეყნებულ დოკუმენტში წერია, სასამართლოს სურს გაიგოს აქვს თუ არა მას ფსიქიატრიული ჯანმრთელობის პრობლემები და აცნობიერებს თუ არა ქმედებას, რომელსაც სჩადიოდა. პროკურორის განმარტებით, სასამართლოს მოთხოვნა რიგითი პროცედურაა.

2015 წელს პოლიტიკოსმა ტვიტერზე ე.წ. ისლამური სახელმწიფოს მსხვერპლის დასახიჩრებული ფოტო გამოაქვეყნა. ამის შემდეგ მან კიდევ რამდენიმე ძალადობის ამსახველი ფოტო გაავრცელა სოციალური ქსელით. ამის გამო საფრანგეთში გამოძიება დაიწყო.

საფრანგეთის კანონმდებლობის მიხედვით, აკრძალული ძალადობის შემცველი განცხადებების გავრცელება, რომლებიც ტერორიზმს ან პორნოგრაფიას უწევს პოპულარობას.