მოცურავე ირაკლი ბოლქვაძე, რომელიც რიოს ოლიმპიადას მის დაწყებამდე ერთი დღით ადრე დოპინგკონტროლის შედეგის გამო გამოაკლდა, აცხადებს, რომ გასაჩივრებული ტესტის პასუხი უარყოფითი აღმოჩნდა:

"დადასტურდა, რომ ამ შეცდომის გამო ამეკრძალა რიოს ოლიმპიადაზე გამოსვლა. პირველი ტესტის უზუსტობის მიზეზს გამოძიება დაადგენს".

მოცურავეს თქმით, ის უახლოეს მომავალში პრესკონფერენციას გამართავს, სადაც დამატებით დეტალებს აცნობს საზოგადოებას.

რიოს ოლიმპიური თამაშების დაწყებამდე ერთი დღით ადრე, ქართველმა მოცურავე ირაკლი ბოლქვაძემ დოპინგკონტროლი ვერ გაიარა. ჩატარებულმა ტესტმა დადებითი პასუხი აჩვენა. სპორტსმენი დოპინგის მიღებას უარყოფდა.