უსამართლობა არაა, რომ ყველა კაფეს თუ რესტორნის სამზარეულო 11 საათზე იხურება, ცხოვრება კი ზუსტად ამის შემდეგ იწყება? გაიხსენეთ, რამდენი კარგი მოგონება არ იარსებებდა, ისეთი რეჟიმი რომ გქონოდათ, როგორიც ბრიტანელ ექიმებსა და თქვენს მშობლებს ერთნაირად გაახარებდა.

ღამის ცხოვრება ღამის მოშიებების გარეშე არ არსებობს, რაც თავისთავად ქმნის საჭიროებას, არსებობდეს ადვილად ხელმისაწვდომი და გემრიელი საჭმელი, რომელსაც მეგობრებსაც გაუნაწილებ. სწორედ ამ მისიით შეიქმნა Night Pizza და მის გამოსაძახებლად ცაზე პიცის ნაჭრის გამოსახვა საჭირო სულაც არაა. უბრალოდ nightpizza.ge ზე უნდა შეხვიდეთ.

კომპანია 2015 წელს გამოჩნდა ბაზარზე და მას შემდეგ უამრავი პიცა მიიტანა დანიშნულების ადგილას, თუმცა იყო პაუზაც, რომელიც ღამის პიცის შემქმნელებმა მენიუს გასაახლებლად გამოიყენეს.

"გავაკეთეთ რვა განახლებული პიცა, განვაახლეთ ვებგვერდი, სადაც უკვე საკუთარი პიცის აწყობა შეგიძლია. ერთ-ერთი მთავარი სიახლე კი სოუსებია, რომელიც პიცასთან ერთად შეგიძლია შეუკვეთო. მათ შორის ყველაზე საინტერესო ბაჟეა, რომელიც ქათმის პიცას ძალიან უხდება", - ამბობს ლევან გომშიაშვილი, Night Pizza-ს წარმომადგენელი.

კითხვაზე, ვინ არიან ღამის პიცის მთავარი მომხმარებლები, პასუხი ასეთია: ყველა, ვინც ღამე მუშაობს, ერთობა, კომპიუტერულ თამაშებს თამაშობს ან უბრალოდ ფილმს უყურებს. ის ადამიანები, რომელთათვისაც დაღამება ბევრს არაფერს ნიშნავს, ახალი დღის დაწყება კი რაიმე კონკრეტულ საათთან არაა დაკავშირებული.

ღამის პიცის მიწოდება საღამოს 9-დან დილის 6-საათამდე ხდება თბილისის მასშტაბით. 38-40 სმ დიამეტრიანი პიცის ფასები 16 ლარიდან იწყება, სოუსები კი - 1.50ლ ღირს.

სულ მალე საიტიდან იმ პროდუქტების შეძენაც იქნება შესაძლებელი, რომელთა შესაძენადაც ჩაცმა და გარეთ გასვლა გვეზარება (სასმელი, სიგარეტი, ა.შ.) მანამდე კი, სანამ პროგრამულადაც შეძლებთ არჩევას, შეგიძლიათ უბრალოდ მიუთითოთ და კურიერი "წამოგიყოლებთ".

Night Pizza კიდევ ერთ ნაბიჯს დგამს იმისკენ, რომ ღამის ცხოვრება ტრადიციული შეზღუდვებისგან გაათავისუფლოს, ასე რომ, შემდეგ ჯერზე, როცა შუაღამისას მოგინდებათ გემრიელი პიცა, პიცერიების გაღვიძებამდე ლოდინი აღარ მოგიწევთ.