ქობულეთში, ემტეესის დასახლებაში ავარიის შედეგად ერთი ადამიანი გარდაიცვალა, სამი კი დაშავდა. ინფორმაცია On.ge-ს შინაგან საქმეთა სამინისტრომ დაუდასტურა. როგორც უწყებაში განაცხადეს, ავარიისას ავტომობილი ხეს შეეჯახა.

საქმეზე გამოძიება საქართველოს სისხლის სამართლის კოდექსის 276-ე მუხლის მეხუთე ნაწილითაა დაწყებული. აღნიშნული მუხლის მიხედვით, სატრანსპორტო საშუალების მოძრაობის უსაფრთხოების დარღვევა, რამაც ადამიანის სიცოცხლის მოსპობა გამოიწვია, ისჯება თავისუფლების აღკვეთით ვადით ოთხიდან შვიდ წლამდე.