ზაზა სარალიძისა და მალხაზ მაჩალიკაშვილის მხარდამჭერ აქციაზე ევროპული საქრთველოს საპრეზიდენტო კანდიდატი, დავით ბაქრაძე და პარტიისა და საგამოძიებო კომისიის წევრი, ოთო კახიძე მივიდნენ.

დავით ბაქრაძემ განაცხადა, რომ აქციაზე სოლიდარობის გამოსახატად იმყოფებოდნენ. მისი თქმით, სარალიძის სამომავლო გეგმებსა და მოთხოვნებთან დაკავშირებით მასთან კონსულტაციას გაივლიან.

ბაქრაძის თქმით, სისტემამ გააკეთა ყველაფერი რომ არ მომხდარიყო ხორავას ქუჩაზე მომხდარი მკვლელობის სრულფასოვანი გამოძიება და არ დასჯილიყვნენ დამნაშავეები. მისივე თქმით, ყველას ვალია ადამიანურადაც და პოლიტიკურუადაც გვერდით დაუდგნენ სარალიძეს.

ბაქრაძემ და კობახიძემ აქცია მალევე დატოვეს. სარალიძისა და მაჩალიკაშვილის აქციები მას შემდეგ დაიგეგმა, რაც საპარლამენტო უმრავლესობამ მხარი არ დაუჭირა საპარლამენტო კომისიის დასკვნას დავით სარალიძის მკვლელობის საქმეზე.

ამავე თემაზე: