ლიბიის სანაპიროსთან გასაბერი ნავის ჩაძირვას, სულ მცირე, 100 მიგრანტი ემსხვერპლა. BBC-ის ინფორმაციით, ბოლო რამდენიმე თვის განმავლობაში ხმელთაშუა ზღვაში დაღუპული მიგრანტების რიცხვში ეს მონაცემი ყველა დანარჩენს აღემატება.

გამოცემის ცნობით, მიგრანტებმა გადაადგილება პირველ სექტემბერს ორი გასაბერი ნავით დაიწყეს, თუმცა ერთი მათგანი ჩაფუშვის შემდეგ ჩაიძირა. უბედური შემთხვევა თვის დასაწყისში მოხდა.

276 გადარჩენილი ლიბიის საპორტო ქალაქში მაშინვე გადაიყვანეს. უწყებათა ცნობით, ჯგუფს ამჟამად პირობითი პატიმრობა აქვთ შეფარდებული. გადარჩენილთაგან ნაწილს, მათ შორის ორსულ ქალს, ბავშვებსა და არასრულწლოვნებს, პნევმონია და გაჟონილი საწვავისგან დამწვრობები აღენიშნებოდათ.

მიგრაციის საერთაშორისო ორგანიზაციის მონაცემებით, გასული წლის განმავლობაში ხმელთაშუა ზღვის გადაკვეთის მცდელობისას დაახლოებით 1,5 ათასი მიგრანტი დაიღუპა.