ქართული ოცნების ოფისში პოლიტსაბჭოს სხდომა მეანაბრეების აქციის ფონზე მიმდინარეობს. პარტია. აქციის მონაწილეები ითხოვენ ქართული ოცნების პოლიტსაბჭოს თავმჯდომარესთან, ბიძინა ივანიშვილთან და პრემიერ-მინისტr, მამუკა ბახტაძესთან შეხვედრას.

პარტიის ცენტრალურ ოფისში სხდომა 17:00 საათზე დაიწყო. პოლიტსაბჭოს შეხვედრაზე მსჯელობენ, რა ფორმით ჩაერთვება ქართული ოცნება მიმდინარე წლის 28 ოქტომბრის საპრეზიდენტო არჩევნებში და რომელ დამოუკიდებელ საპრეზიდენტო კანდიდატს დაუჭერს მხარს მმართველი გუნდი.

ცენტრალურ საარჩევნო კომისიაში პრეზიდენტობის კანდიდატობის მსურველთა განაცხადების მიღება 8 სექტემბერს დასრულდა. ცესკო-ში სულ 46 განაცხადი შევიდა.

კანდიდატად რეგისტრაციის მსურველებმა 10 დღის ვადაში საარჩევნო ადმინისტრაციაში მხარდამჭერთა ხელმოწერები უნდა წარადგინონ. ხელმოწერების წარდგენის ბოლო ვადა 18 სექტემბერია, ხოლო რეგისტრაცია 28 სექტემბერს დასრულდება.

საქართველოში საპრეზიდენტო არჩევნები მიმდინარე წლის 28 ოქტომბერს გაიმართება.