კომპანია ნეტფლიქსმა ახლახან 2011 წელს ნორვეგიაში მომხდარ ტერაქტებზე გადაღებული ფილმის, 22 July, პირველი ტრეილერი გაავრცელა.

კინოსურათის რეჟისორი ოსკარის ნომინანტი პოლ გრინგრასია.

შეგახსენებთ, რომ 2011 წლის 22 ივლისს ნორვეგიაში ორი ტერორისტული აქტი მოხდა. პირველი იყო ავტომანქანაში დამონტაჟებული ბომბის აფეთქება ოსლოს სამთავრობო რაიონში, ნორვეგიის პრემიერ-მინისტრ იენს შტოლტენბერგის ოფისთან. აფეთქებას ემსხვერპლა რვა ადამიანი.

მეორე თავდასხმა განხორციელდა ორი საათის შემდეგ. ამჯერად სამიზნე ახალგაზრდული ბანაკი იყო, რომელიც კუნძულ უტოიაზე მდებარეობდა. პოლიციელად გადაცმულმა შეიარაღებულმა ანდრეს ბრეივიკმა ცეცხლი გაუხსნა ახალგაზრდებს და მოკლა 68 ადამიანი, მათ შორის - პრემიერ-მინისტრის ახლო მეგობრები და ნორვეგიის პრინცესა მეტე-მარიტის ძმა. გარდაცვლილთა შორის იყო ქართველი თამთა ლიპარტელიანი.

ფილმი ეკრანზე 10 ოქტომბერს გამოვა.