რუსთავი 2-ის ინფორმაციით, მიკროავტობუსი, რომელსაც პარტია ქართული ოცნების მხარდამჭერები კანდიდატის წარდგენაზე დასასწრებად ამბროლაურში გადაჰყავდა, სამ მოქალაქეს დაეჯახა.

დაზარალებულები საავადმყოფოში არიან გადაყვანილნი. რუსთავი 2-ის ცნობით, მათი მდგომარეობა სტაბილურად მძიმეა.

როგორც On.ge-ს შინაგან საქმეთა სამინისტროში განუცხადეს, შემთხვევა გუშინ საღამოს მოხდა. დაზარალებულები მსუბუქად არიან დაშავებულები.

შსს-ს ცნობით, შემთხვევაზე დაწყებულია გამოძიება სსკ-ის 276-ე მუხლის პირველი ნაწილით, რაც ტრანსპორტის მოძრაობის უსაფრთხოების წესის დარღვევით, ჯანმრთელობის ნაკლებად მძიმე დაზიანებას გულისხმობს და ისჯება ჯარიმით ან თავისუფლების შეზღუდვით ვადით სამ წლამდე, ან თავისუფლების აღკვეთით იმავე ვადით, თანამდებობის დაკავების ან საქმიანობის
უფლების ჩამორთმევით, ვადით სამ წლამდე ან უამისოდ.