პრო-რუსი სეპარატისტი, თვითგამოცხადებული დონეცკის სახალხო რესპუბლიკის ლიდერი ალექსანდრე ზახარჩენკო დონეცკის კაფეში მომხდარი აფეთქების შედეგად დაიღუპა. ამის შესახებ ინფორმაციას რადიო თავისუფლება Interfax-სა და TASS report-ზე დაყრდნობით ავრცელებს.

სეპარატისულმა წყაროებმა InterFax-სს უთხრეს, რომ ზახარჩენკო 31 აგვისტოს დონეცკის სეპარატისტულ კაფეში მომხდარ აფეთქების დროს ფატალურად დაიჭრა.

იმავე წყაროების ცნობით, სხვა სეპარატისტი ალექსანდრე ტიმოფეიევი აფეთქების დროს დაიჭრა.

ფოტოები შემთხვევის ადგილიდან:

რუსეთის საგარეო საქმეთა მინისტრმა უკრაინის მთავრობა უკრაინის სეპარატისტი ლიდერის ალექსანდრე ზახარჩენკოს გარდაცვალებაში უკრაინას ადანაშაულებს. ქვეყნის საგარეო უწყებაში განაცხადეს, რომ მას შემდეგ, რაც უკრაინამ არ შეასრულა მშვიდობის შესახებ შეთანხმება, გადაწყვიტეს სისხლისღვრა მოეწყოთ.

უკრაინის უსაფრთხოების სამსახური უარყოფს რუსეთის ბრალდებას, მკვლელობაში უკრაინის მონაწილეობის შესახებ და აცხადებს, რომ თავდასხმა ტერორისტებსა და მათ რუს დამფინანსებლებს შორის არსებული კონფლიქტის შედეგია.

2014 წლის შემდეგ, 10 300 ადამიანზე მეტი შეეწირა ბრძოლას კიევის სამხედრო ძალებსა და პრორუსულ სეპარატისტებს შორის, რომლებიც უკრაინაში დონეცკისა და ლუგანსკის რეგიონებს აკონტროლებენ.

მიუხედავად ოფიციალური კიევისა და NATO-ს მტკიცებულებებისა, მოსკოვი უარყოფს, რომ სეპარატისტულ ძალებს იარაღით ამარაგებდა, იმის მიუხედავად

2014 წელს რუსეთმა ყირიმის ნახევარკუნძულის ანექსიაც მოახდინა. ამერიკის შეერთებულმა შტატებმა და ევროკავშირმა რუსეთის ქმედებები უკრაინაში დაგმეს და მოსკოვის წინააღმდეგ სანქციების სერია განახორციელეს.

42 წლის ალექსანდრ ზახარჩენკო სეპარატისტული დონეცკის რესპუბლიკის მინისტრთა საბჭოს თავმჯდომარე 2014 წლის აგვისტოში გახდა. ამ თანამდებობაზე მან ალექსანდრ ბოროდაი შეცვალა. ნოემბერში მან "რესპუბლიკის" ხელმძღვანელის დეფაქტო არჩევნებში გაიმარჯვა და მას შემდეგ ამ პოზიციაზე რჩებოდა.