ამბობენ, რომ საუკეთესო მწერლები ისინი არიან, რომლებსაც ამბის გადმოცემა მოკლედ შეუძლიათ. ლაკონიურობა ყველაზე რთული საქმეა და ამგვარად სათქმელის გადმოცემას მხოლოდ ერთეულები ახერხებენ.

მაშ ასე, წარმოგიდგენთ ხუთ საუკეთესო მოკლე მოთხრობას:

1. ავტობიოგრაფია

ეს მოთხრობა ხანშიშესულ ფრანგ ქალბატონს ეკუთვნის, რომელმაც ყველაზე პატარა ავტობიოგრაფიის კონკურსში გაიმარჯვა.

– ადრე გლუვი სახე და დაჭმუჭნული ქვედაბოლო მქონდა, ახლა კი – პირიქით.

2. დედოფალი, ღმერთი, სექსი და საიდუმლო

ეს თემატიკა უნდა ყოფილიყო ინგლისში გამართულ მოკლე მოთხრობების კონკურსანტ მოთხრობებში. გამარჯვებული ეს საოცრება გახდა:

– ო, ღმერთო, – წამოიყვირა დედოფალმა, – ფეხმძიმედ ვარ და არ ვიცი ვისგან!

3. ო. ჰენრის მძაფრ სიუჟეტიანი მინი-ნოველა

მოქმედება, კვანძი, კულმინაცია და კვანძის გახსნა:

– მძღოლმა სიგარეტი გააბოლა და ბენზინის ავზში ჩასახედად დაიხარა. უნდოდა ენახა დარჩა თუ არა საწვავი. გარდაცვლილი მხოლოდ ოცდასამი წლის იყო.

4. ჰემინგუეის დრამა

ექვს სიტყვიანი გენიალური მოთხრობა, რომელიც დრამას და ტრაგედიას იტევს:

– იყიდება ბავშვის ფეხსაცმელი. ჩაუცმელი.

5. ყველაზე მოკლე და საშინელი ჰორორი

ფრედერიკ ბრაუნის შედევრი:

– უკანასკნელი ადამიანი დედამიწაზე ოთახში იჯდა. კარზე დააკაკუნეს...

ასე მოკლედ წერა და აზრის სრულად გადმოცემა ურთულესი რამ არის და დიდ შრომასაც მოითხოვს. ამაში კი მარკ ტვენის ცნობილი ფრაზაც დაგარწმუნებთ: "მოკლე წერილის მოწერის დრო არ მქონდა, ამიტომ ვრცლად გწერ".