თავისუფალი საქართველოს ლიდერმა, კახა კუკავამ საპრეზიდენტო კანდიდატად საკუთარი თავი წარადგინა. მისი კანდიდატურის პრეზენტაცია ზუგდიდში გაიმართა.

კუკავას თქმით, ის სხვა ლიბერალი კანდიდატებისგან სრულიად განსხვავებულ ხედვას შესთავაზებს ამომრჩეველს.

"ჩვენი ამოცანაა, რომ ამ არჩევნებზე ქართველ ხალხს ჰქონდეს არჩევანი, არიან კანდიდატები, რომლებმაც თავი წარადგინეს ლიბერალური ძალების წარმომადგენლებად, სააკაშვილისა და ივანიშვილის ყოფილი მინისტრები. ჩვენ გვინდა ქართველ ხალხს ჰქონდეს არჩევანი და შევთავაზებთ ეროვნულ ფასეულობებს", - განაცხადა კახა კუკავამ.

პარტია თავისუფალი საქართველო პრეზიდენტობის კანდიდატობას ლევან ვასაძეს სთავაზობდა. ვასაძემ შეთავაზება არ მიიღო. კუკავას განმარტებით ლევან ვასაძე პრეზიდენტობით დაინტერესებული არაა.