თბილისში, რუსთაველის გამზირზე ეროვნულ-დემოკრატიული პარტიის ოფისი გაქურდეს. როგორც შინაგან საქმეათა სამინისტროში ამბობენ, შეტყობინება დღეს, 18 აგვისტოს, დილით მიიღეს.

როგორც პარტიის ლიდერმა, ბაჩუკი ქარდავამ რუსთავი 2-ის მიერ გავრცელებულ ვიდეოში აღნიშნა, პარტიიდან წაღებულია მხოლოდ ის კომპიუტერები, რომელშიც არჩევნებისთვის დაგროვებული მონაცემები ინახებოდა.

"ერთ-ერთში ინახებოდა მთელი მედიამონიტორინგი და ანალიტიკა, ხოლო იმ ორ კომპიუტერში მთელი საარჩევნო ბაზა მთელი საქართველოს მასშტაბით. შესული ვართ საარჩევნო რეჟიმში, ეს ერთი და მეორე, სწორედ ამ ოფისში მიმდინარეობდა ინტენსიური მუშაობა ახალი ოპოზიციური გაერთიანების ძალა ერთობაშიას პროცესი", - განაცხადა ქარდავამ.

მისი თქმით, სახელმწიფო უსაფრთხოების სამსახურს ამ ფაქტის მარტივად გამოძიება შეუძლია, თუმცა ის ამბობს, რომ მას არ სჯერა, რომ ეს იყო ქურდობა.

"ეს იყო პოლიტიკური აქცია", - დასძინა ქარდავამ.

საქმეს შინაგან საქმეთა სამინისტრო სისხლის სამართლის კოდექსის 177-ე (ქურდობა) მუხლით იძიებს.