ვორნერ ბრაზერსი 90-იანების ცნობილი ფილმის, Space Jam-ის გაგრძელებაზე მუშაობს. ცოტა ხნის წინ პროექტმა ერთი ნაბიჯით წაიწია წინ. როგორც Warp აცხადებს, რეჟისორის პოზიციაზე მოლაპარაკებები ტერენს ნენსისთან მიმდინარეობს, რომელიც ამჟამად HBO-ს სერიალს, Random Acts of Flyness-ს იღებს. მანამდე რეჟისორის კანდიდატურაზე Fast and Furious-ის რეჟისორი ჯასტინ ლინი განიხილებოდა.

მთავარ როლში ლეიკერსის ვარსკვლავი ლებრონ ჯეიმსი მოგვევლინება. რა თქმა უნდა, დაბრუნდებიან Looney Tunes-ის ლეგენდარული ანიმაციური გმირებიც. ჯერჯერობით დაუდგენელია, ვიხილავთ თუ არა სიქველში ბილ მიურეის.

ფილმის გადაღებები შემდეგ ზაფხულს დაიწყება.

Space Jam 1996 წელს გამოვიდა და მასში მთავარ როლს მაიკლ ჯორდანი ასრულებდა. ფილმმა სტუდიას $230 მილიონი მოუტანა.