Huawei-ს არსებობის ისტორიაში მნიშვნელოვანი მომენტი დადგა, მან სმარტფონების გაყიდვების რაოდენობით Apple-ს გადაასწრო და ის ახლა, სამსუნგის შემდეგ, მობილური ტელეფონების ყველაზე ხშირი გამყიდველია.

ჩინურმა კომპანიამ წლის ბოლო კვარტალში დაახლოებით 54 მილიონი ტელეფონი გაყიდა, რაც წინა წელთან შედარებით 40 პროცენტიანი ზრდაა. Huawei-მ არა მარტო Apple-ს გადაასწრო, არამედ ის Samsung-საც დაეწია, რომელმაც ბოლო კვარტალში 70 მილიონი სმარტფონი გაყიდა.

ეს განსაკუთრებით კარგი მაჩვენებელია თუ გავითვალისწინებთ, რომ რამდენიმე წლის წინ ეს ბრენდი საერთოდ უცნობი იყო.

აღსანიშნავია, რომ ჰუავეი ჩრდილოეთ ამერიკის ბაზარზე არ იყიდება. ამის მიზეზი ის მოსაზრებაა, რომ ჩინეთის მთავრობამ Huawei-ს ტელეფონები შესაძლოა დაზვერვისა და სხვადასხვა სენსტიტიური ინფორმაციის შესაგროვებლად გამოიყენოს.

კომპანია აცხადებს, რომ მსგავსი ბრალდებები უსაფუძვლოა და ახლა ის აზიურ ბაზარზე კონცენტრირდება.

ამერიკის მთავრობის გარდა, ჩინური სმარტფონების გამოყენების საფრთხეებზე ავსტრალიის, კანადის და დიდი ბრიტანეთის ოფიციალურმა წარმომადგენლებმაც ისაუბრეს.

თუ ამერიკის გარდა ჰუავეის სმარტფონების გაყიდვაზე უარს სხვა დიდი ქვეყნებიც იტყვიან, ეს კომპანიის მომავალზე შეიძლება ცუდად აისახოს.