ვიქტორია რუფო, გაბრიელა სპანიკი, ედიტ გონსალესი, სუზანა ვიეირა, ვერა ფიშერი, ჯოვანა ანტონელი, მარიო ჩიმარო, ოსვალდო რიოსი, ანტონიო ფაგუნდესი, ჟოზე მაიერი - თუ ეს სახელები გეცნობათ და გენატრებათ, მაშინ ჩათვალეთ, რომ 15 აგვისტოს დაგეგმილ აქციაზე აუცილებლად უნდა იდგეთ.

ცოტა ხნის წინ ფეისბუქზე ჯგუფი - დაბრუნდეს ლათინოამერიკული სერიალები გამოჩნდა, რომელმაც მალევე მოიპოვა პოპულარობა და ახლა უკვე აქციისთვისაც ემზადებიან, რომლის ორგანიზატორიც ორი ფეისბუქ გვერდი ისტორიული მიმები და მოაზროვნე არის.

მართალია არავინ იცის რამდენად რეალურია ჩატარდება აქცია, თუმცა ადამიანები, რომლებმაც აქციაზე წასვლის სურვილი გამოთქვეს, ამ საქმეს დიდი სერიოზულობით ეკიდებიან.

ასე, რომ თუ მოგენატრათ ბლანკოს ქვრივი, დები ელიზონდოები, დონა ჟურა და კოპაკაბანას სანაპიროზე მოსეირნე ელენა, მაშინ 15 აგივსტოს, საღამოს 6 საათზე არაფერი დაგეგმოთ და შეუერთდით აქციას, რომელიც პარლამენტთან გაიმართება.