ინდონეზიაში, კუნძულ ლომბოკზე 6,4-ბალიანი მიწისძვრა მოხდა, რის შედეგადაც ათი ადამიანი დაიღუპა. კუნძულზე 319 ათასამდე ადამიანი ცხოვრობს და ტურისტები მას აქტიურად სტუმრობენ.

მიწისძვრა 29 ივლისს, ადგილობრივი დროით დილის 6:47 საათზე მოხდა. მეტეოროლოგების თქმით, მიწისძვრიდან ოთხ საათში 66 სხვადასხვა სიმძლავრის ბიძგი იყო. მათივე თქმით, მიწისძვრა იგრძნობოდა ბალიზეც.

ლომბოკზე დანგრეულია ათობით სახლი, 40-მდე ადამიანმა კი დაზიანება მიიღო. მიწისძვრამ მთა რინჯანზე მეწყერი გამოიწვია, რის გამოც მთაზე საფეხმავლო გზა გადაკეტილია.