მიუხედავად იმისა, რომ 27 ივლისს აღმოსავლეთ საქართველოს ცა მტვერმა დაფარა და პროგნოზები მთვარის დაბნელების ხილვის იმედს არ გვაძლევდა საღამოს სიტუაცია შეიცვალა. ცა არ მოწმენდილა და აქა იქ ღრუბლებიც შემორჩა, მაგრამ ქართველმა ფოტოგრაფებმა მაინც შეძლეს საუკუნის ყველაზე გრძელი, მთვარის სრული დაბნელების გადაღება.

მთვარის დაბნელება თბილისის დროით 21 საათსა და 14 წუთზე დაიწყო და ჩვენი თანამგზავრი მალევე "გაშავდა".

დაბნელება სამ საათზე მეტი ხანი გარგძელდა და საბოლოოდ მოწითალო შეფერილობის ცეცხლოვანი მთვარე გამოჩნდა.

დღეს არამხოლოდ ფოტოგრაფების, ქუჩაში გასული ნებისმიერი ადამიანის მზერა და კამერა მთვარემ მიიპყრო. მაგრამ უბრალო მოკვდავებს მოლოდინები არ გაგვიმართლდა.