27 ივლისს მთვარე დედამიწის ჩრდილში მოხვდება. ეს საუკუნის ყველაზე გრძელი მთვარის სრული დაბნელება იქნება და ის ერთი საათი და 43 წუთი გაგრძელდება.

საქართველოში მთვარის დაბნელება 21 საათსა და 14 წუთზე დაიწყება და მაქსიმუმს დაახლოებით 00 საათსა და 21 წუთზე მიაღწევს. მთვარის დაბნელებას მარსის მოახლოებაც ემთხვევა. 27-30 ივლისს მარსი დედამიწას 56 მილიონ კილომეტრზე მოუახლოვდება, ამიტომ მთვარის დაბნელებასთან ერთად ცაში მოკაშკაშე მოწითალო პლანეტას თქვენ აუცილებლად შენიშნავთ.

ამჟამინდელი პროგნოზით, ხვალ მოწმენდილი და უღრუბლო ცაა ნავარაუდები.

მთვარის დაბნელების ყურება, ჩრდილოეთ ამერიკის გარდა, დედამიწის თითქმის ყველა წერტილიდან იქნება შესაძლებელი.

ფოტო: NASA