საქართველოს პრემიერ-მინისტრის მრჩეველი რეგიონის საკითხებში, სოზარ სუბარი საქართველოს მთავრობის ადმინისტრაციაში რეგიონალური მართვის მიმართულებას ჩაიბარებს. ამის შესახებ საქართველოს პრემიერ-მინისტრმა, მამუკა ბახტაძემ მთავრობის სხდომის წინ გამართულ ბრიფინგზე განაცხადა.

მამუკა ბახტაძის თქმით, ინფრასტრუქტურის სამინისტროს გამოეყოფა რეგიონული მართვის კომპონენტი და გადმოვა მთავრობის ადმინისტრაციაში.

მამუკა ბახტაძის თქმით, რეგიონის განვითარება არის პრიორიტეტი და აღნიშნული სამსახური უშუალოდ პრემიერ-მინისტრის დაქვემდებარების ქვეშ უნდა იყოს.

ბახტაძის თქმით, მთავრობის ინიციატივები მიმართულია რეგიონში ცხოვრების დონის ხარისხობრივი გაუმჯობესებისკენ.