საბერძნეთში საქართველოს საელჩოს ინფორმაციით, საქართველოს ორ მოქალაქეს ეძებენ. ოჯახის წევრებმა საელჩოს პირების დაკარგვის შესახებ რამდენიმე საათის წინ ცხელი ხაზით შეატყობინეს

საელჩოს განცხადებით, 12 საათის მდგომარეობით, ხანძრის შედეგად დაღუპულთა და ჰოსპიტალიზირებულთა შორის საქართველოს მოქალაქეები არ არიან. მათი განცხადებით, 23 ივლისს გვიან ღამით მათ სამი მოქალაქე დაუკავშირდა, რომლებსაც დახმარება უკვე გაუწიეს. ერთ-ერთი მათგანი საკონსულოს თანამშრომლებმა ხანძრის ზონიდან გამოიყვანეს.

საელჩოში ცხელი ხაზის ნომერი მოქმედებს: +30 69 9577 9793

ტყის ხანძრების გამო საბერძნეთში ათობით ადამიანი დაიღუპა, ხოლო ასზე მეტი დაშავდა. მაღალი ტემპერატურის გამო ხანძრები რამდენიმე დღის წინ საბერძნეთის სამხრეთ-აღმოსავლეთ ნაწილში, ათენიდან ათიოდე კილომეტრში, საკურორტო ზონებში გაჩნდა, რის გამოც მოსახლეობამ ევაკუაცია დაიწყო. ცეცხლისგან თავდასაცავად ისინი ზღვაში შედიან.

ქვეყნის პრემიერ-მინისტრმა ალექსის ციპრამ ხანძრების გამო საგანგებო რეჟიმი გამოაცხადა. ხანძრის ლოკალიზება ამ დრომდე ვერ ხერხდება.

გაიგეთ მეტი: