საბერძნეთში ტყის ხანძრების შედეგად 50 ადამიანი გარდაიცვალა, ხოლო 100-ზე მეტმა დაზიანება მიიღო, მათ შორის არიან ბავშვები. საკურორტო ზონა მატიში, რომელიც ათენიდან 30 კილომეტრში მდებარეობს, 24 ადამიანი გარდაიცვალა. ძირითადად ისინი ან საკუთარ სახლებში ან მანქანებში დაიღუპნენ.

26 ადამიანის გვამი იპოვეს საპორტო ქალაქ რაფინაში. მოქალაქეები ყვებიან, რომ ხანძრისგან თავის დასაცავად ზღვაში შედიან.

ტყის ხანძრების გამო საბერძნეთის პრემიერ-მინისტრმა, ალექსის ციპრამ ქვეყნის სამხრეთ-აღმოსავლეთ ნაწილში საგანგებო რეჟიმი გამოცხადა. მისივე თქმით, ხანძრების ჩასაქრობად ყველა არსებული ტექნიკაა მობილიზებული, თუმცა მან დახმარება საერთაშორისო თანამეგობრობას სთხოვა. BBC-ის ინფორმაციით, საბერძნეთს დახმარებაზე უკვე უპასუხეს იტალიამ, გერმანიამ, პოლონეთმა და საფრანგეთმა.

საბერძნეთში ტყის ხანძრები ძლიერი სიცხის გამო გაჩნდა. წლევანდელი სტიქია ყველაზე დამანგრეველი აღმოჩნდა 2007 წლის შემდეგ, როდესაც პელოპონესის ნახევარკუნძულის რაიონში ტყის ხანძრების გამო ათობით ადამიანი დაიღუპა.

ფოტო: AJplus

ფოტო: AJplus

ფოტო: AJplus

ფოტო: AJplus

ფოტო: Costas Baltas / Reuters

ფოტო: Costas Baltas / Reuters

ფოტო: AJplus