თუ ნაყინი იმდენად გიყვართ, რომ სიამოვნებით დახარჯავდით მის შესაძენად მთელ ხელფასს (ან ცოტა მეტსაც), შეგიძლიათ პირდაპირ ნიუ-იორკში ჩაფრინდეთ და სასტუმრო Baccarat-ში არც მეტი არც ნაკლები, $1,500 შეფასებული ნაყინი მიირთვათ.

აშშ-ის ტერიტორიაზე ყველაზე ძვირადღირებული ნაყინი მადაგასკარიდან იმპორტირებული ვანილის მარცვლების ნაყინით, თეთრი შოკოლადით, კაკაოს კარაქით, შავი ტრუფელის ფხვნილითა და ოქროსფერი კაკაოს ჰაეროვანი ფირფიტებით მზადდება. მას ოქროსა და ვერცხლის ფირფიტებიც აქვს დაკრული, რომელიც გემრიელია და იჭმება.

აღსანიშნავია, რომ ამ განსაკუთრებული ნაყინის ინგრედიენტების ღირებულება, სინამდვილეში $300-ია, მაგრამ შეკვეთის შემთხვევაში ის მყიდველთან უძვირფასესი ბროლის ხუფით მიაქვთ. გარდა ამისა, შეფ-მზარეულის ჯადოსნური ხელები და მისი ნახელავის განუმეორებელი სიფაქიზე ამ ნაყინს განუმეორებელ დესერტად აქცევს.