საქართველოს რკინიგზის განმარტებით, ზუგდიდიდან თბილისისკენ მიმავალი მატარებლის მგზავრებს ბილეთის საფასურის ნახევარი აუნაზღაურდებათ. ამის შესახებ On.ge-ს ინფორმაცია რკინიგზის პრესსამსახურმა მიაწოდა. მათივე თქმით, თანხის მიღება მგზავრებს დღესვე შეეძლებათ.

23 ივლისს მატარებელი ძაბვის ვარდნის გამო ხაშურსა და გორს შორის რამდენიმე საათით იყო გაჩერებული. როგორც რკინიგზის პრესსამსახური ამბობს, თბილისში მატარებელი ორსაათიანი დაგვიანებით ჩავიდა. მგზავრები საპირისპირო ინფორმაციას ავრცელებენ. მათი განმარტებით, თბილისში დაგეგმილზე სამ საათზე მეტი ხნით გვიან, დილის სამ საათზე ჩავიდნენ.