გერმანიის მთავრობამ საქართველოს უსაფრთხო ქვეყნად გამოცხადების კანონპროექტი დაამტკიცა. შინაგან საქმეთა სამინისტროს ცნობით, ამ ნაბიჯის შემდეგ თავშესაფრის განაცხადების განხილვა მოკლე ვადებში მოხდება და საქართველოს მოქალაქეების მხრიდან უვიზო რეჟიმის ბოროტად გამოყენებისა და თავშესაფრის მოთხოვნის ფაქტებს შეამცირებს. უწყების ინფორმაციით, ბოლო თვეებში გერმანიაში დაფიქსირებულია თავშესაფრის მაძიებელთა კლების დინამიკა.

როგორც შსს-ში აღნიშნავენ, გერმანული მედია ფედერალური მთავრობის გადაწყვეტილებას საქართველოში ადამიანის უფლებების მდგომარეობის გაუმჯობესებასა და ოპოზიციის თავისუფლად მოქმედებას უკავშირებს.

საქართველო უსაფრთხო ქვეყნების სიაში უკვე შეყვანილი ჰყავს შემდეგ ქვეყნებს: ავსტრიას, საფრანგეთს, ბელგიას, ნიდერლანდებს, ბულგარეთს, ისლანდიას, ისრაელსა და ლუქსემბურგს.