თბილისის მერის კახა კალაძის განცახდებით, დიდ დიღომში, ჰიპერმარკეტ გუდვილთან ანბანის ბაღში დაწყებული მშენებლობა შეჩერდა. ამის შესახებ მან თბილისისი მთავრობის დღევანდელ სხდომაზე განაცხადა.

კალაძის თქმით, მშენებლობის შეჩერებას დიდი დიღმის მოსახლეობა ითხოვდა, რადგან ობიექტი რეკრეაციულ ზონაში მდებარეობს.

"გუდვილის მიმდებარე ტერიტორიაზე, ანბანის ბაღში დაწყებულია მშენებლობა, რომელსაც გაცემული ნებართვითაც კი, ყველანაირი პირობა, მოცულობა დარღვეული აქვს. ამ კონკრეტულ ობიექტთან დაკავშირებით, დიდი დიღმის მოსალხეობის მხრიდან ძალიან ბევრი საჩივარია შემოსული. ამ დროისთვის, მშენებლობა შეჩერებულია და მგონია, რომ მისი დემონტაჟი უნდა განხორციელდეს. სკვერებში, პარკებში, სპორტულ მოედნებზე მსგავსი გაუთვალისიწინებელი სიმახინჯეების მშენებლობა არ უნდა დავუშვათ", - განაცხადა დედაქალაქის მერმა.

თბილისის მერის თქმით, მესაკუთრეების უფლებებს მისი მოადგილეები დაიცავენ.