პრემიერ მინისტრმა გიორგი კვირიკაშვილმა ახალი მინისტრები წარადგინა. თავდაცვის მინისტრის თანამდებობაზე ლევან იზორია დაინიშნა, შერიგებისა და სამოქალაქო თანასწორობის საკითხებში სახელმწიფო მინისტრად კი ქეთევან ციხელაშვილი.

ციხელაშვილი აქამდე სახელმწიფო მინისტრის მოადგილის პოსტს იკავებდა. ლევან იზორია კი სახელმწიფო უსაფრთხოების სამსახურის (სუს) უფროსის მოადგილე იყო.

თავდაცვის უკვე ყოფილმა მინისტრმა თინა ხიდაშელმა და შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა თანამდებობები 1 აგვისტოდან ოფიციალურად დატოვეს.