ფსიქოტროპული ნივთიერების ურეცეპტოდ გაცემის შემთხვევაში, ფარმაცევტს სამიანობის უფლება შეუწყდება. აღნიშნულ ცვლილებას ჯანდაცვის სამინისტრო ამზადებს მთავრობის სხდომაზე გასატანად.

ჯანდაცვის მინისტრმა დავით სერგეენკომ 1 აგვისტოს შეხვედრაზე, პროექტი ფარმაცევტული კომპანიების გაერთიანების წევრებს გააცნო:

"არსებული კანონი მოითხოვს, რომ ფსიქოტროპული მედიკამენტი გასცეს მხოლოდ სპეციალისტმა ფარმაცევტმა. რიგ შემთხვევებში ეს დაცული არ არის და ასეთი წამლები კანონის დარღვევით გაიცემა. გარდა ჯარიმების და ადმინისტრაციული სახდელებისა, სხვა არანაირი ზემოქმედების ინსტრუმენტი არ გვქონდა იმისათვის რომ კანონი აღსრულებულიყო. ამ ცვლილებებით ფარმაცევტებს დაეკისრებათ შესაბამისი პასუხისმგებლობა და ისინი ვეღარ შეძლებენ პროფესიული საქმიანბის გაგრძელებას თუ ჯერადობით დაარღვევენ არსებულ კანონს".